عاجل - توضيح بخصوص منحة التلاميذ والطلبة
وزارة التربية وضّحت اليوم بشكل رسمي مجموعة نقاط مهمة تخص منحة التلاميذ والطلبة، حتى ما يصير أي لبس أو خطأ أثناء التوزيع. بالبداية، الوزارة أكدت أن التمويل راح يكون من وزارة التربية فقط، وما له أي علاقة بوزارة العمل أو أي جهة ثانية، حتى تكون الأمور واضحة للجميع.
بالنسبة للطلاب اللي مشمولين بالرعاية الاجتماعية مع عوائلهم، هذوله ما يحتاج يقدمون أي طلب أو معاملة، لأن إدارة المدرسة راح تأشر أسماؤهم مباشرة بدون أي مراجعة إضافية.
أما الطلاب اللي مو مضافين ويا العائلة المشمولة بالرعاية الاجتماعية، فهنا لازم يجيبون تأييد استمرارية بالدوام من المدرسة، وبعدها يراجعون اللجنة الفرعية للرعاية الاجتماعية حتى تتم إضافتهم بالبيانات الرسمية، ومن يكمل الإجراء يرجع للمدرسة حتى يتم تأشيره من جديد ضمن مستحقي المنحة.
الوزارة شددت على نقطة مهمة، وهي أن الطالب الراسب ما يستحق المنحة، لأن المنحة تُمنح فقط للطلاب الناجحين والمستمرين بالدوام الفعلي.
أما الطلاب اللي نقلوا من مدرسة إلى ثانية أو من مرحلة إلى غيرها، لازم يراجعون المدرسة القديمة أولاً حتى يلغون التأشير القديم، وبعدها يروحون للمدرسة الجديدة حتى يتم تأشيرهم هناك بشكل رسمي، وبناءً عليه يستلمون المنحة حسب موقعهم الجديد.
لمتابعة آخر التحديثات الخاصة بالمنح وقرارات وزارة التربية والرعاية الاجتماعية، تقدرون تتابعون تويو للمعلومات